Vetur

       

 Nú er frost og funi úti og ekkert hægt að hóla,,,,,, Trans alpinn er í geymslu á Stöðvarfirði í fínu húsi  hjá mörgum millum af skuldahölum,en gamla hondan var sett inn í stofu og er betri eign en nokkurt hlutabréf.

                                                          

Pósturinn 20 Ágúst

Mættir voru 10 Fjarðabúar á 9 hjólum og var farið í Egilsstaði og tekinn rúntur um bæinn, hjólað var inn götuna sem Heiðar partasali býr í og stóð hann úti á plani og góndi út í loftið eins og viltur páfagaukur og skildi trúlega ekkert í því hvaða farartæki voru þarna á ferðinni því ekki sést hann á sínu hjóli,í götunni hjá partasalanum týndum við Högna og hans föruneyti og skil ég ekki hvernig hann rataði heim úr evrópu ferðinni,það var tekið kaffi pása í shell og stakk Einar shellari þá upp á því að fara Breiðdalsheiðina heim og fóru 5 hjól þá leiðina í fínu veðri með smá þoku á  heiðinni stoppað var á hótelinu á Breiðdalsvík og var svo komið heim um miðnætti. 

Möðrudalur 16 Ágúst

   Fór í Möðrudal með Páli í kvöldmat því þar var í gangi Möðrudalsgleði sem er hluti af Ormsteitis hátíðinni,fórum frá Egilsstöðum um 4 og þegar við komum norður fyrir Fellabæ  var komið hífandi rok  og mátti maður rífa fast í stýrið og halda alla leið í Möðrudal ,vindurinn hann kom úr öllum áttum alla leiðina og var hraðinn stundum ekki nema 80 km.Fórum heim um 10 leitið og var þá orðið þokkalegt veður allavega þurfti ekki að ríghalda í stýrið. Ekki klikkaði grillaða afturhásingin sem var í matinn.                                                                                                                                                    

Seyðisfjörður 15 ágúst

Fór á Seyðisfjörð að horfa á tröllin keppa í Austfjarðatröllinu,  voru þar 2 greinar af 12 en hinar voru á Vopnafirði Borgarfirði Egilsstöðum Reyðarfirði Fáskrúðsfirði Djúpavogi og Breiðdalsvík.á bakaleiðinni tók ég opnunarhátíð ormsteitis á Vilhjálmsvelli, Á vellinum var haugur af fólki og mikið um furðuverur sem hoppuðu og skoppuðu um allt og var þetta hið besta mál fólk að gera sér glaðan dag, ekki voru margir hjólamenn á ferðinni hitti 1 sem var að sötra öl á vellinum og um miðnætti hitti ég Smára sem var að viðra Harald Davíðsson.   

Pósturinn 13 Ágúst

Mættir voru 6 úr Fjarðabyggð og var farið í Egilsstaði og tekinn rúntur um bæinn, þar var rekist á 2 Ítali sem voru á ferð um landið og var annar búinn að vera tekinn 2 sinnum fyrir of hraðan akstur og skildi hann ekkert í því hvar racer hjólin ættu að vera á 300km hraða hér á landi,Stefán jóns hann mætti á flottasta hjólinu og á myndinni er Kiddi að máta og er súkkan hans örugglega til sölu núna enda er þetta HONDA.

Dalvík=fiskidagurinn

Fór einn í hóp á Dalvík á fimmtudag og voru þá komnir þó nokkuð margir á staðinn, hitti hóp frá Örnum í Keflavík sat og sötraði öl með þeim,tók súpurölt um bæinn á föstudagskvöld með Haffa ægis og fleiri Fáskrúðsfirðingum og var þetta toppurinn á fiskihelginni, súpurnar voru allar mjög góðar og ólíkar eins og þær voru margar,endaði þetta kvöld með öl sötri með Örnum,á laugardag tök ég rölt um hafnarsvæðið og var haugur að fólki og biðraðir við alla bása, um 3 tók ég strauið heim með  viðkomu í jarðböðunum við Mývatn og endaði svo daginn á balli í Valaskjálf með Á móti sól.  

Pósturnn 6 Ágúst

Þokkaleg mæting +10 hjól, ferðinni var heitið á Seyðisfjörð í kakó og veitti ekki af því því  hitinn á heiðinni var 4 gráður og 3 á bakaleiðinni, sumir komu á flottari hjólum en aðrir.                                                                                                                                                                                                                                                             heiðinni 4

Pósturinn 23 júlí

Reyðarfjörður-Egilsstaðir-Reyðarfjörður-Eskifjörður-Neskaupsstaður-Eskifjörður-Reyðarfjörður.

8 stk mættir fínn rúntur.

Sunnudagur 13 júlí

Fór á stjá og hitti kidda og stebba og var stefnan tekin í Egilsstaði með viðkomu í N1,síðan var brunað á Seyðisfjörð og tókum við eina héraðsbúan sem var að hjóla með okkur,  hvar eru allir hinir ???? , hitinn á Fjarðarheiði var komin í 15 gráður en ekki 0 eða 4 eins og í hin skiftin.Á Seyðisfirði var logn steikjandi hiti og smá sól,Á Egilsstöðum hittum við óla og Ægi og var farið í Atlavík og horft á fljótið í smá stund, á bakaleiðinni var farið út Fellin og fór súkkan hjá stebba ekki hratt á mölinni þar sem vegaframkvæmdir voru en ég held að meðalhraðin sé nú samt nokkuð góður hjá stefáni.við mjóafjarða vegamótin hittum við Högna og félaga hans sem voru að koma frá dalatanga og hjóluðu allir saman í neðra.

  

Austurferð um norðurland

Fimmtudagur, fór norður fyrir í sól og blíðu  með viðkomu á nokkrum stöðum, Hvammstangi Blönduós Skagaströnd,kom við í kántríbæ,fór þverárfjall og sá marga Ísbirni, þeir voru tveir þrír og stundum fjórir saman í hóp og voru um allt  fjall,  Sauðárkrókur Hofsós Siglufjörður Ólafsfjörður Dalvík Akureyri , gisti á  sigló á gistiheimilinu Hvanneyri, á Dalvík hitti ég þrjár hjóla konur frá Akureyri og reyndist ein af þeim vera gamall Reyðfirðingur Begga dóttir Kristins skólastjóra og fór með þeim inn á Akureyri á kaffihús ,þær hjóluðu svo á móti skuttlum sem voru að koma í bæinn og sat ég fyrir þeim á torginu, Ég spyr hvar eru austfirsku hjólakonurnar er ekki komin tími á að þær komu út úr hjólaskápnum