Fór suður að sækja hjólið, 9 júlí 2008

Bilunin var nú  ekki mikil bara einn vacum púngur fyrir mengunar varnar búnað, euro kjaftæði,fer norður fyrir og reyni að ná nokkrum jarðgöngum á leiðinni samt ekki eins mörgum og Nilli verð nokkra daga á leiðinni. Svo eru Skuttlurnar  á hringferð og er tilvalið að sitja fyrir þeim einhverstaðar á leiðinni

Drullusokkar á hringferð, 29 júní

Björgunasveitin Ársól á Reyðarfirði fór út á fjörð á tveimur bátum að taka á móti tveimur bátum frá Vestmannaeyjum sem eru á hringferð um Ísland til styrktar Krafti sem er félag ungs fólks með krabbamein,komu þeir fyrst á Reyðarfjörð og fengu kaffi og með því frá kaffihúsinu Hjá Marlín, síðan fóru þeir á Eskifjörð til Sævars og Berglindar á Mjóeirinni . við shell á Eskifirði sá ég 9 stk hjól sem ég kíkti á og á einu hjólinu var þessi forláta drullusokkur sem þyddi bara eitt þetta voru vélhjólaklúbburinn drullusokkar frá Vestmannaeyjum á hringferð,ég lét þá vita að bátarnir frá eyjum væru að koma í land við Randolfshús sem er utarlega í bænum og komu þeir þangað í móttökunefnd.  

Aldrei fór ég suður, 26 júní

Setti hjólið á bretti og sendi það suður í Hondu umboðið þar sem þeir eru þeir einu með tölvu til að plögga við hjólið til að sálgreina það.

Pósturinn 25 júní

Mætti ekki þar sem hjólið var með hiksta.

Rúntur á Seyðisfjörð 22 júní

Fór einn í hóp á Seyðisfjörð og var hitinn á Fagradalnum kominn í 7 gráður og heilar 4  á Fjarðarheiðinni og var það 4 gráðum heitara en síðast þegar ég fór yfir heiðina,kíkti í skúrinn hjá Bjössa Sveinlaugs frænda og tók rúnt um bæinn  

Skógardagurinn mikli 21 júní

Fór á skógardaginn í Hallormsstaðaskógi ekki var veðrið sumarlegt 6 gráður á Fagradal vindur og nokkrir dropar en þegar í skóginn var komið var logn og fínasta veður,þar var slatti af fólki keppni í skógarhöggi heilgrillað naut og fl. Ekki voru margir hjólamenn á ferðinni en í skóginum hitti ég einn  sjálfan Hlyn Braga.    

Pósturinn 18 júní

Mætt voru 7 hjól og var byrjað á því að fara á Eskifjörð til að athuga hvort Einar shellari   væri staddur  þar en svo var ekki,Hann sést víst meira í OLÍS og N1 með kók og pulsu,

síðan var farið á Fáskrúðsfjörð og var hjóla geymslan hjá Óla skoðuð, veðrið var fínt ekki of heitt eða of kalt og hæfilega mikil gola  og síðan sást guli eldhnötturinn líka. 

Pósturinn 11 júní

Mætt voru ca 12 hjól og var stefnan tekin á Norðfjörð en ferðin endaði illa, þar sem einn datt á tjörugri klæðingu í efstu beygjunum Eskifjarða megin en hann náði hann að losa sig af hjólinu áður en það fór undir og festist í leiðaranum í beygjunni ,slapp hann  trúlega með ökklabrot en þetta hefði getað farið verr og er þetta áminning um að fara varlega, menn gætu verið meira vakandi með að sópa beygjur og gatnamót oftar og betur, og svo er skrítið hvað klæðingarnar blæða alltaf mikið hér fyrir austan þó hitinn rétt detti í tveggja stafa tölu þá er rokið til og möl mokað á vegina, Hjólið slapp ótrúlega vel og var hjólað á því á verkstæði á Norðfirði,  

Drekar í Skriðuklaustur og Kárahnjúka

Burruðum í Egilsstaði að hitta fleiri dreka hjá N1 síðan var farið inn fljótsdalinn í Skriðuklaustur í kaffi hlaðborð sem var súper gott að vanda,

Síðan var farið inn að Fljótsdalsstöð og mannvirkin og sveitin skoðuð frá planinu og síða tóku flestir stefnuna í kárahnjúka , var veðrið mjög gott nokkrir dropar duttu niður við Laugarfell.

Á heimleiðinni var komið við í Atlavík og þaðan í Egilsstaði sem sumir þurftu að tanka og svo var brunað niður Fagradalinn heim á Reyðarfjörð.  

Pósturinn 4 júní

Það voru mættir 10  og var farið í Egilsstaði í kaffi á N1, fjarðamenn hjóluðu niður dalinn heim á leið og var farið með Fáskrúðsfirðingum suður fyrir göng.